ඉරප්ෂන්

මුළුමහත් ලෝකයම විනාශකර දැමිය හැකි රහසක් අභ්‍යන්තරයේ සඟවාගෙන, බිහිසුණු පිපිරීමකට සැරසෙන, හවායි දූපත් පාරාදීසයේ ඇති සුවිශාල ගිනිකන්දක්!

පෘථිවියේ විශාලතම සක්‍රිය ගිනිකන්ද වන මෞනා ලෝවා තවත් දින කිහිපයක් ඇතුළත පුපුරායාමට බලාසිටියදී, හවායි ගිනිකඳු නිරීක්ෂණාගාරයේ විද්‍යාඥයකු වන ජෝන් මැක්ග්‍රෙගර් සිය වෘත්තීය ජීවිතයේ මුහුණදීමට සිදුවන අඳුරුතම සහ අසීරුම අභියෝගය අබියස සිටියි.

උතුරන ලාවා ප්‍රවාහයන් සමඟ පිටතට පැමිණියහොත් පෘථිවියේ ජීවය සහමුලින්ම අතුගා දැමිය හැකි තරම් බලවත් යමක්, හමුදාව විසින් ලෝකයෙන් සඟවා අතිශය රහසිගතව මේ ගිනිකඳු අගාධයේ රඳවා ඇත.

නිර්භීත ගිනිකඳු විද්‍යාඥවරියක වන ජෙනී කිමුරා ඇතුළු ප්‍රවීණ විශේෂඥයන්ගෙන් සැදුම්ලත් කණ්ඩායමක් සමඟ එක්වන මැක්ග්‍රෙගර්, මෙම බිහිසුණු ස්වාභාවික ව්‍යසනයට එරෙහිව ජීවිත පරදුවට තබා සටන් වදියි. ඒ, තමා පණමෙන් ආදරය කරන පාරාදීසයක් බඳු දූපත, එහි අහිංසක ජනතාව පමණක් නොව, අවසානයේ මුළු මිහිතලයම මරණයේ සෙවණැල්ලෙන් බේරාගැනීමේ බලාපොරොත්තුවෙනි.

විද්‍යා ප්‍රබන්ධකරණයේ දැවැන්ත නිර්මාණකරුවා මයිකල් ක්‍රයිටන් සමඟ ත්‍රාසජනක නවකතාකරණයේ සම්මානිත නවකතාකරු ජේම්ස් පැටර්සන් එක්ව බිහි කළ, උද්වේගකර ප්‍රබන්ධය...