'ද තර්ඩ් අයි' ලියමින් ලොව පුරා මහත් ආන්දෝලනයක් ඇති කළ ටී. ලොබ්සාං රම්පා පැවසුවේ ටිබෙටයේ ලාමාවරයකු වූ තමා බ්‍රිතාන්‍ය ජාතික සිරිල් හෙන්රි හොස්කින්ගේ ශරීරය ඇතුළත ජීවත්වනවා කියාය. ආන්දෝලනාත්මක කෘති 18ක් ලියූ රම්පාගේ 'CHAPTERS OF LIFE' කෘතිය මෙසේ 'ජීවිතයේ පෙළ ගැස්ම' යනුවෙන් සිංහලට පරිවර්තනය වී තිබේ.

සෑම වසර දෙදහසකට වරක් මිනිසාට නිවැරදි මඟ පෙන්වන්නකු පෘථිවිය මත බිහිවන බව පවසන රම්පා මෙම කෘතියෙන් භාවනාව, මනෝකායෙන් ගමන් කිරීම, අධ්‍යාත්මික ලෝකයේ ඉහළටම ගමන් කළ යුතු ආකාරය, පද්‍යයන්හි සැඟවුණු මානවයාගේ හා විශ්වයේ රහස් ආදි බොහෝ කාරණා පිළිබඳ සාකච්ඡා කරයි.

රම්පා මෙම කෘතියෙන් තව දුරටත් පවසන්නේ මරණයෙන් පසු අප යා යුතු ලෝකය අප සිතා සිටින ආකාරයේ තැනක් නොව සාමාන්‍ය මිනිසකු හට සිතන්නට පවා අසීරු ඉහළ මට්ටමක් කියාය.