කිවියකු ලිපියුවකු (ලේඛකයෙකු) ලෙස ලංකාදීප, රසවාහිනී, සුබස, එඩිය වැනි පුවත්පත් සඟරා ආදියෙහි ඉතා ළාබාල වියේ සිට පෙනී සිටි ඔහු විසි වියේ දී රජයේ සේවාවට පත් වැ, අද එයින් ද ඉසුඹු (විශ්‍රාම) ලබා සිටින්නෙකි. ජෝතිස ඉසව්වවෙහි ද හතලිස් වසරකට වැඩි කලක් තිස්සේ ලද අත්දැකීම් ඔහුට ඇත.

දරු උපත ඔරලෝසුවට අසු වේ ද ?” යන මැයෙන් “හඳහන” පත්‍රයට සැපයුණු ලිපි පෙළින් ද තරු රෙදෙව් (RADIO) සේවාවෙන් 1998 - 1999 වසරවල ඉදිරිපත් කළ ජෝතිස වැඩ සටහන් මගින් ද ඒ අතේ දැනුම හෙළිදරව් කළ ඔහු ඉන්දියාවේ චන්දිගාර්හි පන්ජාබ් සරසවියේ අන්තර්ජාතික ජෝතිස සංගමයේ(MIFA)ඇතුළත් බව ද ලබා ඇතියෙකි.

මේ පොතින් ඔහු ජෝතිස දැනුම කොහෙත් ම නැතියෙකුට වුව ද, කේන්දරයක් සෑදීම, විවාහ ගැළපුම් බැලීම, සුභ නැකැත් සෑදීම, පලාපල කීම යන කරුණු හතර පිළිබඳ මූලික දැනුම ලබන්නට කෙටි මඟක් පෙන්වා ඇත.