කන්‍යාව සහ ජිප්සි මිනිසා යනු බ්‍රිතාන්‍ය ලේඛක ඩී.එච් ලෝරන්ස් සිය සමකාලීන සමාජයේ මනෝභාවයන් වෙත හෙලූ නිර්දය විචාරයකි. මෙහිදී ලෝරන්ස් සමාජයේ විවිධ ස්ථරයන්හි ජීවත්වන පුද්ගලයන් අතර ඇතිවන සම්බන්ධතා ගවේෂණයෙන් එම සමාජ සබඳතාවන් පිළිබඳ නව පදනමක් ඉදිරිපත් කරයි.

මෙම කෙටි නවකථාවේ ප්‍රධාන කථානායිකාව වන ඉවට්, සිය පියා සහ මිත්තණිය නියෝජනය කරන්නාවූ සාම්ප්‍රදායික සමාජයට එරෙහිවන අතරම ජිප්සි මිනිසා අත්විඳින්නාවූ නිදහසට ආකර්ෂණය වෙයි. ඇය මෙම ගැටුමින් කෙසේ ජයගනීද? සම්ප්‍රදාය ඇය අබිබවා හිස ඔසවයිද? ඇය සම්ප්‍රදායේ කොටු බැමි බිඳ ජිප්සියා වෙත ළං වෙයිද?