කතලුගල අන්දරය 1980 දශකයේ මුල ඉරිදා සිළුමිණ පුවත්පතෙහි කොටස් වශයෙන් පළවී ඉතා ජනප්‍රිය වූ නවකතාවකි. දකුණුකරයේ කතලුගල ගම්මානයේ ජීවත්වෙන තිලකා නම් ගැමි තරුණියගේ ජීවිතය සේම අනෙක් ගැමි ජීවිතද විපර්යාසයකට හසුවන්නේ බොබී නම් අමෙරිකානුවා සමග ගමට පැමිණෙන රූපවාහිනී චිත්‍රපටකාරයන් නිසාවෙනි. එතැන් පටන් ගමෙහි පමණක් නොව මුළු ලංකාවේම ජීවිතය වෙනස්වෙන අයුරු පෙරනිමිත්තක් සේ දුටු භද්‍රපි මේ කෘතිය නිර්මාණය කළේ ලංකාවට රූපවාහිනිය පැමිණෙන්නටත් පෙරය.