වනාන්තරයේ අතරමං වී ඒ මේ අත ඇවිද ගිය බළලා, අන්තිමේ දී ගස් කපන්නෙකුගේ පැල් පතක් දැක එයට ඇතුල් වුණා. ඉන් පසු එහි තිබු අටුවකට නැග එය තම නිවස බවට පත් කර ගත්තා. බඩගින්නක් ඇති වුණ විට අසල වනයට ගොස් කුඩා සතෙකු දෙන්නෙකු අල්ලා ගෙන කා දමා බඩ පුරවා ගත්තා. ඔහුට අල්ලා ගත හැකි කුඩා සතුන් ඕනෑ තරම් එම වනාන්තරයේ හිටියා. ඉතින් බඩගින්නක් දැනුනේම නැහැ. ඔහු දවස පුරා ගස් කපන්නාගේ පැල් පතේ අටුවට වී සුවසේ උණුසුමට නිදා ගත්තා. 

ඔය විදියට බළලාගේ සියලු කටයුතු බොහෝම සුවපහසු ආකාරයට සිදු වුණා.