ප්‍රේමසිරි කේමදාසගේ ‘මානස විල’ ඔපෙරාමය රංග නිර්මාණය වූ කලී නූතන සිංහල කලා සංස්කෘතික ඉතිහාසයේ අද්විතීය සංසිද්ධියකි. එය නිර්මාණාත්මක සංගීතය සහ ගායන කලාව බැරෑරුම් රංග කාර්යයක් පණ ගන්වනු සඳහා යොදා ගැනීමේ පුරෝගාමී පර්යේෂණයක් විය. එමෙන්ම සුනිල් විජේසිරිවර්ධනගේ ‘මානස විල’ නාට්‍ය සංකල්පය සහ ලිබ්‍රතෝව සාම්ප්‍රදායයික බෞද්ධ ජාතක කතා සාහිත්‍ය මූලාශ්‍ර, අද්‍යතන සමාජ ජීවි.ය විචාරාත්මක විවරණය කිරීමට යොදා ගැනීමේ මහඟු හැකියාව පෙන්වන පුරෝගාමී නාට්‍ය නිර්මාණයක් විය.