මාරායණය

තමන්ගේ ජීවිත කතාවද දැන්

මේ මකුළුවාගේ දැල මෙන්

නොවේ දැයි ඔහුට සිතුණි.

රේඛීය ආඛ්‍යානයකින් දිවයන

සම්මත නවකතාවක් සේ

නොදිවෙන, එසේ නොලියවිය

හැකි මේ මහා අවුල් ජාලය

අන්තිමේදීවත් මකුළු දැලක

සිරිය ගනීවී දැයි ඔහුට සැක

සහිතය. එහෙත් මතකයේ

අඩුපාඩු අතරින් ඉඳහිට

නැගෙන සේයා මාත්‍රයන්

පෙළගස්වමින් යම්කිසි රටාවක්

මවා ගත හැකිනම්, අද තමා

සිටින තැනට ජීවිත ගමන

ආවේ කෙලෙස දැයි වටහා

ගත හැකිවෙතැයි, සිතිය හැකි

යම් ඉඟියක් ඒ මතක සේයා

රූ අතරින් මැවේ වි යැයි හේ

විශ්වාස කළේය.