1930 දශකයේ අග භාගයේ ඇගේ සැමියා මැල්කම් සහ ඔවුන්ගේ කුඩා පුතු ටෙඩී දමඟ තම ජීවිතය බෙදා හදා ගනිමින් මේරියර් පැටර්සන් නිව්යෝරක් නගරයේ ජීවත්වේ.එහෙත් ඔවුන්ගේ ජීවිත විවිධාකාරයේ රහස් වලින් පිරී පවතී.ඇයගේ සැමියාගෙන් පවා සඟවා තබා ගෙන සිටින අතීතයක් මේරියර්ගේ සිත තුළ නිරන්තරයෙන් හොල්මන් කරයි.ඒ අතීත මතකයන් දරාගෙන, යන්තම් බිළිඳු විය ඉක්මවමින් සිටියදී ඛේදජනක ලෙ අනතුරකට ලක්ව මියගිය දරුවෙකු වෙනුවෙන් ඇය සෑම වසරකදීම රහසින් ඉටිපන්දමක් දල්වයි.දිනෙක නොසිතූ ලෙස මේරියර්ට ඇයගේ ප්‍රථම ප්‍රේමයේ හිමිකරු වු රටින් පිට වී සිටින ඇමෙරිකානුවෙකු වන චාල්ස්ඩි ලෝනි හමුවේ.ඒ අහඹු හමුවීමෙන් දින කිහිපයකට පසු කුඩා ටෙඩීව කිසිවෙකු විසින් පැහැර ගෙන යනු ලබයි.පැටර්සන් පවුල නිව්යෝර්ක් පොලිසිය හා ෆෙඩරල් විමර්ශන කාර්යංශය (FBI) රට පෙරලමින් ටෙඩීව සොයද්දි, පැහැර ගැනීම සම්බන්ධයෙන් මුලින් චාල්ස්ට චෝදනා කරනු ලබන අතර, අනතුරුව ඔහුව අත් අඩංගුවට ගැනේ.

උසාවිය තුළ රඟ දැක්වෙන බියකරු නාට්‍යක් මඟින් චාල්ස් ඩිලෝනිව වරදකරුවා කරන්නට තැත් කරද්දී, හෙළදරව් කිරිම් මාලාවක ප්‍රතිඵලයක් ලෙසින් මේරියල් චාල්ස් හා මැල්කම් ගැන සත්‍යය උසාවිය හමුවේ දිග හැරෙන්නට පටන් ගනී.කොටසින් කොටස නිරාවරණය වන ඔවුන්ගේ අතීත කතා,ඔවුන්ගේ ජීවිත පාලනය කරන ලබන අභිප්‍රායයන් හා අශාවන් වල සංකීර්ණ චිත්‍රයක් නිර්මාණය කරයි. පුතුනි ඔබ නැතිව... යනු පුද්ගල අභිලාෂයන් ,වරදකාරී හැගීම් හා අවිනිශ්චිත භාවය කැටි වුණු චමත්කාර ජනක කතාවකි.එසේම එය අතුරුහන් වු දරුවෙකු සොයා ගැනීමේ ඒකායන අරමුණ මඟින් අනුකම්පා විරහිත ලෙස එකිනෙකා වෙත බැද තබනු ලැබ සිටින, කිසිවෙකුටත් පහසුුවෙන් අමතක කළ නොහැකි ආකාරයේ මිනිසුන් කිහිපදෙනෙකුගේ ජීවිත හා බැුණු අපූර්ව කතාවකි.