මේ වන විටත් අහසින් හිම කැටිති එක දෙක වැටෙන්න පටන් අරගෙනයි තිබුණෙ. මහ වැස්සක පෙර නිමිති හැම පැත්තෙන්ම පහළ වෙද්දී ඔවුන්ගේ අශ්ව රථය වේගයෙන් ගමන් කරන්නට වුණේ හැකි ඉක්මනින් නිවස බලා යන්නටයි. රථය ගංගාවේ පාලම මතින් ගමන් ගනිද්දී හිම වැස්ස තවත් තද වෙලා. දැන් මුළු පරිසරයම සුදෝ සුදු මිහිදුම් පටලයකින් වැසී ගොසින්. හිම වැස්සත්, අවට හොඳින් නොපෙනීමත් යන කරුණු නිසාම ඔවුන්ට වේගයෙන් ඉදිරියට යන්නට නම් අවස්ථාවක් ලැබුණේ නෑ. හැබැයි වාසනාවකට වගේ වැඩි දුරක් නොගිය නිසාම හිම කුණාටුව තුළ අතරමං වීමේ අවධානමක් ඔවුන් ඉදිරියේ තිබුණේ නෑ.