මදක් ඈතින් වූ ටියරන්සි විල වටා ද සුදු පැහැති හිම තට්ටු මිදිලා. විලේ මැද කොටසේ  පමණක් ඉතිරිව තිබෙන ජල තලය තද කළු පැහැයෙන් නිසලව තිබෙනවා. විල වටා වූ වනාන්තරයේ පයින් ගස් යාය සුදු හැඳගත් නිසල අවතාර මෙනි. ප්‍රීතිමත් සිනා හඬ උද්යෝගිමත් බෙරිහන් හඬ දසත විසිරෙනවා. ඒ අතර සිසුවියෝ පොළවේ වූ මෘදු හිම කැටිති එක් කොට බෝල ආකාරයට සකස් කරන්නට වුණා. ඒ තව ටිකකින් ආරම්භ වන හිම බෝලවලින් පහර දීමේ තරඟයට යොදාගන්නටයි. මිසිස් රසල් සිසුවියන් අසලම රැඳී විපරමින් බලා සිටියා.