සිපුම් සීරුම් කෙනිත්තුම්

ඔබේ තේ එකට සකුරු දමන්නත් 

නියම වෙලාවට ඔබේ විටමින් බෙහෙත් දෙන්නත් 

ඔබ මට පුරුදු කළා.

ඔබේ දැවැන්ත මමංකාරයඅසළ බියෙන් හැකිළී

මායාමය සූකිරි කෑ මා 

කුරුමිට්ටියක් බවට පත් වුණා. 

මගේ සිතැඟි සහ තර්කන අහිමි වුණ මා 

ඔබේ සියලුම ප්‍රශ්නවලට 

නොගැළපෙන පිළිතුරු මිමුණුවා. 

ග්‍රීෂ්මය දිය වීම ඇරඹුණා. 

ප්‍රපාතයේ කැරකෙන සුළං සහ 

දැවෙන පත්වලින් නැගෙන දුම් මට මතකයි. 

ඔබේ කුටිය හැමදාම බැබළුණේ කෘත්‍රීම එළිවලින්. 

ඔබේ කවුළු නිතරම වහලයි තිබුණෙ. 

වායු සමීකරණ පවා යම්තමිනුයි සහනයක් වුණේ. 

හැම තැනම පැතිර තිබුණේ ඔබේ හුස්මේ පිරිමි සුවඳයි.

කපා බඳුන්වලට දැමූ මල් 

මිනිස් දහඩියගන්ධය පතුරුවන්න පටන් ගත්තා. 

තව දුරටත් ගීත ඇසුණේ නෑ. 

නැටුම් තිබුණෙත් නෑ. 

මගේ සිත සියලු එළි නිවා දැමූ 

පරණ සෙල්ලම් ගෙදරක් වගෙයි.