විශ්‍රාමික විදුහල්පති එස්. ඩී. ඥානසේන මහතා වසර 30 කට අධික කාලයක් ගුරුවරයෙකු ලෙස සහ විදුහල්පතිවරයෙකු ලෙස විදුහල් ගණනාවක දරු දැරියන් දහස් ගණනකගේ නැණැස පෑදූ කීර්තිමත් ගුරුවරයෙකි.

කුඩාම වයසේ පසුවන දරුවන්ට කියවීමට හා අසා සිටීමට සුදුසු පැරණි ජන කතන්දර 50 ක් මින් පෙර නිකුත්කළ ‘'සීයා කියූ කතන්දර” ග්‍රන්ථය තුළ ඇතුලත්ව තිබූ අතර, දරුවන්ට මෙන්ම වැඩිහිටියන්ට ද කියවා රසවිඳිය හැකි ජනශ්‍රැතියේ එන තවත් පැරණි ජන කතන්දර 65 ක් ‛‛සීයා කියූ කතන්දර 2” නමැති මෙම ග්‍රන්ථය තුළ අන්තර්ගත වේ.

කියවා රසවිඳිය හැකි වූත්, සාර්ථක දිවි පෙවෙතකට උදව් කරගත හැකි යමක් උකහා ගැනීමටත් හැකි මෙම කතන්දර පොත ලිවීමට ලියන බස උපයෝගී කරගෙන ඇත්තේ පාසල් දරුවන්ගේ හෙළ වියරණ පිළිබඳ දැනුමට ද යම් පිහිටක් වීමේ අපේක්ෂාවෙනි.