ශ්‍රි ලංකාවේ සක්විති රාවණා මුද්‍රාව

රාවණ අධිරාජ්‍යයාගේ සුලමුල සොයා යන ගමන
ශ්‍රී ලංකාවේ සක්විති රාවණා මුද්‍රාව
ආචාර්ය මිරැන්ඩෝ ඔබේසේකර මහතා සමග කරන ලද සාකච්ඡා මාලාව

වල් වැදී ඇති රාවණ ඉතිහාසය මුදා ගැනීම සඳහා මහඟු මෙහෙවරක් කළ අපේ කාලයේ සෘෂිවරයෙක් වන් ආචාර්ය මිරැන්ඩෝ ඔබේසේකරයන් හා ඔහුගේ ජීවිත කාලය තුළදී සිදු කළ අවසන් දීර්ඝ පුවත්පත් සාකච්ඡාව මෙය විය හැකිය.

මහා රාවණයන් ගැන කරුණු කාරණා අපූර්වත්වයෙන් යුතුව පෙළගැස්වීමට මා සමග කළ සංවාදයේදී ඔහුට හැකි විය. මහා රාවණ රජු කෙරෙහි ඔහු තුළ ඇත්තේ ජීවමාණ කෙනෙකු වෙනුවෙන් දක්වන්නා හා සමාන භක්ත්‍යාදරයකි. එතුමා ගැන කීමට වචන පෙළ ගැස්වීමේදී ඔහු දක්ෂ ලෙස උපරිමයෙන් එය සිදු කරයි. කෘතහස්ත ලේඛකයෙකු වූ මිරැන්ඩෝ ඔබේසේකරයන් පසුගිය දශක කිහිපය පුරාම කැපී පෙනුනේ සක්විති මහා රාවණ රජු ජීවමාන ලෙස අප අතර සිටින බව සනාථ කිරීමේ කාර්යභාරය මාධ්‍ය වෙත මුදා හැරීමටය.

මෙතුමා කළ සේවය තවත් ගත වර්ෂ ගණනාවක් දක්වා අප හදවත්වලින් මැකී නොයනු ඇත.