වත්මන් අධ්‍යාපන තරඟව තුළ 

වෙහෙසට පත්ව සිටින දරුවන්ගේ 

ලෝකය ඒකාකාරී හා යාන්ත්‍රික වූවකි. 

ඔවුන් අනාගතයේ නිර්මාණශීලී තරුණ 

පිරිසක් හා පරිණත වැඩිහිටි පිරිසක් බවට පත් කිරීමට නම්, 

ඔවුන්ගේ කල්පනා ලෝකය හා පරිකල්පනය පුළුල් කළ යුතුය. 

දරුවන්ගේ මනස විකසිත වන 

ළමා කාලයේදී නිර්මාණාත්මක, 

අර්ථාන්විත මෙන්ම ආකර්ෂණීය ලෙස 

වචනයෙන් මෙන්ම සිතුවමින් ද ගෙත්තම් කළ 

රසවත් වියමන් ඔවුන් අතට පත් කළ යුතුය. 

‘සුරංගනා කතා හතක්’ නැමැති මේ වියමන, 

ළමා ලෝකය රස ගන්වමින්, පරිකල්පන 

ශක්තිය අවුළුවාලන්නට දරන ලද උත්සාහයකි.