"ගම, උප නගරය, මහා නගරය, පඬිපුරය යන හතර පළේ ම ජීවත් වන මැදපන්ති ජනයාගේ අදිසි පොරයට හසු වූ මම ද එහි හවුල්කාරයෙකු වී හෙම්බත් වීමෙන් ලත් අත්දැකීම් ඇත්තෙක්මි. ජීවයෙන් වෙන් නොකළ හැකි මේ අදිසි පොරය මැඬිය හැක්කේ එක්කෝ සියලු දෙනා ම ගැමියන්ගේ තැනට බැස ලද දෙයින් තුටුව ජීවත් වීමෙනි; නොඑසේ නම් උගැන්මෙන් හා ජීවන මිනුමෙන් සියලු දෙනාට ම සමතැන් ලැබිය හැකි සේ ලංකාව සමාජවාදීය උතුරුකුරුවක් කිරීමෙනැයි සිතමි"

- මාර්ටින් වික්‍රමසිංහ

" සාහිත්‍යකාරයෙක් දකින්න ඕනැ ඇළ දොළ ගංගාවල ගස්වැල්වල, කඳු තැනිතලාවල, චතුපිටි වෙල් යායවල ලස්සණ නෙමේ. ගම්වල ජන ජීවිතයෙ සොබාවයයි දකින්න ඕනැ. මීගමුවෙ වෙරළට ගියා ම හරි ලස්සණයි තමයි. ඒත් මුහුදෙන් ජිවත් වෙන මිනිස්සුන්ගේ ජිවිත කොහොම ද? උඩරට තේ වතු හරි ලස්සණයි. ඒත් ඒ වතුවල වැඩ කරන මිනිස්සු ජිවත් වෙන ස්ථාන සුන්දර නැහැනෙ. අපි දකින හුඟක් ස්ථාන සුන්දර වුණාට ඒ මිනිස්සුන්ගේ ජිවිත; ජීවිතවල පැවැත්ම, සුන්දර නැහැනෙ. ..... සොබා සෞන්දර්ය කියන්නේ ජිවිතය නෙමෙයි......

- කාලෝ ෆොන්සේකා