ප්‍රසිද්ධ ජපන් ලේඛකයකු වන මියසවා කෙන්ජිගේ “ඇණවුම් අධික ආපන ශාලාව” නමැති කෘතියේ සිංහල පරිවර්තනයයි. කතාව ජපන් බසින් සිංහල භාෂාවට පරිවර්තනය කළේ ඔකිනවා විශ්ව විද්‍යාලයේ සම්මානිත මහාචාර්ය දිලීප් වනද්‍රලාල් මහතාය. ඔහු මෙම පරිවර්තන කාර්යයට පිවිසුණේ භාෂාව, සන්නිවේදනය හා සමාජ සංවාද පිළිබඳව විශ්ව විද්‍යාලයේ පවත්වන දේශන - සම්මන්ත්‍රණවලදී අතිරේක පාඨ ග්‍රන්ථයක් ලෙස මේ කෘතිය භාවිතා කිරීමෙන් ලද පන්නරය තුළින්ය.

පුරා 40 වසරක් ජපානයේ අධ්‍යාපන, සංස්කෘතික හා පර්යේෂණ කටයුතුවල නිරතව සිටින මහාචාර්ය දිලීප් චනද්‍රලාල් මහතා, කාලයේ හා දේශයේ සීමා ඉක්මවා යමින් මානව සාරධර්ම දෙස මොහොතක් හැරී බලන්නට කරන ආරාධනයක් ලෙස මේ කෘතිය හඳුන්වා දෙයි.

පොතේ හැඳින්වීමෙන් පෙන්වා දෙන පරිදි විචාරාත්මක චින්තනය පුබුදු කරන පාඨ ග්‍රන්ථයක් ලෙස ද මේ කෘතිය යොදා ගත හැකිය.