මුහුදු වෙරළක දිග හැරෙන ළමා පාරාදීසයක වයස් පුරන දරුවන් තිදෙනකුගේ හා දැරියකගේ කථාව යි. වෙරළ තීරය, කලපුව, කඩොල්ගම, කඩොල් කැලේ, ටවුම, බලකොටුව යනාදිය මුල් කොට ගත් ළමා ජවනිකා රසබර හා දුක්බර යොවුන් නවකථාවක් ලෙස දිග හැරෙයි. ළමා ලෝකයේ සුකුමාරත්වය වැඩිහිටි ලෝකයේ විපත්තීන්ට මුහුණ දෙන අතරේ මිත්‍රත්වය රැක ගන්නට අපහසු අභියෝගයක් බවට පත් වේ. ඉතිරි වුණු මිතුරෝ උපන් දේශයෙහි අහිමි වී ගිය පාරාදීසය අන් දේශයක සොයා සංක්‍රමණික යාත්‍රාවකට රහසේ ගොඩ වෙති.