විචිත්‍ර ප්‍රභාස්වර

විචිත්‍ර ප්‍රභාස්වර සරල බසින් හා නිර්මාණශීලීව රචිත මෙම කෘතිය, යන්න හිතෙන තැනක් විලස දහම් පාසල හඳුන්වා දී ඇත. දහම් පාසල් සේවාවෙහි වටිනාකම මනාවට විස්තර කරයි. ඉටුවන සේවා ව සංවාදාත්මක ස්වරූපයෙන් විග්‍රහ කරයි. දහම් පාසලක සිදුවන සේවාවන් වෙන් වෙන් ව විස්තර කර දීම හරි ම අපූරු ය. නිවාසාන්තර තරඟ, ශීල සංවිධාන, ශ්‍රමදාන කටයුතු මෙන් ම පන්සල මුල් කර ගත් කඨින පුණ්‍යෝත්සවය පිළිබඳ සමාජය දැනුවත් කර ඇත. සංවාද ස්වරූපය මෙන් ම සාකච්ඡා මාර්ගය ද උපයෝගී කර ගෙන දහම් පාසල් සේවාව විග්‍රහ කිරීම හරිම රසවත් ය. දහම් පාසල් සේවාව විග්‍රහ කිරීම හරිම රසවත් ය. දහම් පාසලට වඩා බාහිර උපකාර පංති සහභාගීත්වය ආධ්‍යාත්මික පිරිහීමකට භාජනය විය හැකි බව රචකයා ව්‍යංගයෙන් පෙන්නුම් කරයි. දහම් පාසල් සේවයෙහි වටිනාකම ඉස්මතු වන සේ මෙවැනි කෘතියක් රචනා කිරීමට රචකයා පෙළඹී ම අපගේ ගෞරවය හිමි විය යුතුය. ශාස්ත්‍රවේදී පූජ්‍ය වල්හපුතැන්නේ නන්ද සුමන ස්ථවිර විහාරාධිපති පිංවත්ත පුරාණ විහාරය - දෙහිවල කොළඹ ආනන්ද විධ්‍යාලයෙහි විශ්‍රාමික ධර්මාචාර්ය