ආදරේ කියන්නෙ හැම දවසක් ම

නිසර්ගයෙන් සිදු වූ ප්‍රතිභානයද ළ ගන්නා ලද
නිර්මල ශාස්ත්‍රද, නොමද වූ අභාසයද කාව්‍ය
සම්පත්තියට විශේෂයෙන් හේතු වන බව අමුතුවෙන්
කිව යුතු නැත. එමෙන් ම විශිෂ්ට කාව්‍ය නිර්මාපකයකු
වීමට උත්තම වාග් විලාසයක් සකස් කොට ගත යුතුය.
උත්තම වාග් විලාසය ගැන සඳහන් කරන
ඇරිස්ටෝටල් පඬිවරයා පෙන්වා දෙන්නේ එය පැහැදිලි
විය යුතු මෙන් ම අධම නොවිය යුතු බවයි. මීට අමතරව
විශිෂ්ට වූ ජීවන දර්ශනයක් ශ්‍රේෂ්ඨ වූ කවියක මූලික
ලක්ෂණයකි.
කාව්‍ය නිර්මාණකරණයෙහි ආධුනිකයෙකු වුව ද
කවිදු බිම්සරගේ මෙම කෘතියෙහි ඉහත කී ලක්ෂණ
ස්වීය කොට ගැනීමට දරන මහත් වූ තැත මෙම කෘතිය
පුරාම සංලක්ෂිත ව ඇත. එහෙයින් ඔහුගේ අනාගත
නිර්මාණ ජීවිතය අතු ඉති විහිදි මල් ඵල දැරීමට තරම්
වාසනා ගුණය ඔහු වෙත ලැබේවායි ඉත සිතින් පතමි.