වසන්තය ඇවිත් ගොස් හමාරය

ඒ වුණත් වගක් නෑ ගහ කොළට...

දලු දමා මල් පිපී ඵල දරයි

කවරදාකවත් නැති සතුටකින්...

පොක්කොලමෙ ඉඳන් එන සුළඟකත්

වියළි බව රළු ගතිය නැති වෙලා

නිදහසේ හමන හැටි මෘදු ලෙසින්...

සොබා දහමට

වින කළ- නොකළ මිනිසුන් සැවොම

එකට සිර කර

අතීතයේ මග හැරුණු තැන්

පෙන්ව පෙන්වා

දඬුවම් එකම හැන්දකින් බෙදයි...

ගෙවෙන්නේම නැති තප්පර

මේ යැයි පෙන්වනා

නිරෝධායනයත් සිරගෙයක් ,

පෝරකයක් නොමැතිව බොහෝ අය මියගිය..!