2026.06.16 දින නිකුත් වීමට නියමිතයි. නිකුත් වන දිනය පෙර දැනුම් දීමකින් තොරව වෙනස් විය හැකි බව කරුණාවෙන් සලකන්න.

‘ගල්මන්කඩ වලව්ව' (2025 - සරසවි) නවකතාවෙන් හෙළ නවකතා සම්ප්‍රදායට අවතීර්ණ වෙන පන්තක භාතිය සිරිවර්ධන, සිය ‘අනාවරණය' ප්‍රබන්ධ නවකතාව තුළ සැරිසරන්නේ ප්‍රවීණ නවකතාකරුවකු ලෙස යැ.

'එළිදරව්ව - නිරාවරණය සහ 'අනාවරණය', විවිධ තලයන් හි මානව සෙවිල්ල, විමර්ශනය, මතවාදී විවරණ, දාර්ශනික සහ දේවවාදී පෙරැත්තයන්, ස්ත්‍රීවාදී කියවීම් හා නිර්ප්‍රභූ තර්කනයන් හරහා ශාස්ත්‍රීය ගවේෂණය, සාහිත්‍යය, සිනමාව සහ ඩිජිටල් ඉෆොටේන්මන්ට් ආදි අවකාශයන් වෙත අධි ආකර්ෂණයකට භාජනය වී ඇත්තේ දිය කඩිති අවසානයේ දී මහා සමුද්‍රය ට සේන්දු වන්නා සේ යැ. එය මානව සාගරයටම අනාවරණය වීමක් වැනි යැ. ‘අනාවරණය‘ නවකතාව කියවන ඔබට එළිදරව්ව ද නිරාවරණය ද එක සේ හමු වේවි. එම රස ගුලාවෙහි කිමිදෙන්න...

ආචාර්ය ශාන්තිකුමාර් හෙට්ටිආරච්චි

ලෝක ආගම් පිළිබඳ මහාචාර්ය,

මින්හාජ් සරසවිය,

ලාහෝර්, පකිස්ථානය.