දිගාමඩුල්ලේ ජනකතා කියවන කවුරු වුවද නිරායාසයෙන්ම දිගාමඩුල්ලේ ඇත්තන්ගේ මනඃකල්පිත බැහැදකිනු නියති. ඒ තරමට ම තාත්වික ක්‍රමවේදයකට අනුරූපීව එක කතාවකට වඩා තවෙකක් රසවත්ව නිර්මාණාත්මකව පෙළගස්වා තිබේ. 

දිගාමඩුල්ලේ ජනකතා තුළින් කුතුහලය, අපූර්වත්වය හා හාස්‍ය මෙන් ම හරවත් දිවි මගකට ආදර්ශය, උපදේශය මුසු සාරධර්මතා ප්‍රභාස්වරයක් උද්දීපනය වනු ඇත. එමෙන්ම ප්‍රාදේශීය බස් වහර, වාග් විද්‍යාව හදාරන්නන් හට ප්‍රයෝජනවත් වන පරිදි දිගාමඩුල්ලේ ජනවහර පදරැසක් ම මෙහි දක්වා තිබීම ප්‍රශංසනීය ය. 

එම නිසාම සඳරුවන් ලොකුහේවා ජනශ්‍රැතිවේදියාගේ මෙම ජනකතා පොත පාඨකාදරයට පාත්‍රවන බවට කිසිදු සැකයක් නැත. 

- කේ. බී. මානෑව