ගැමි සමාජය තුළ සක්කර වට්ටම නමින් හංවඩු ගැහෙන ඇය තුළ දක්නට ලැබෙන උසස් ගති ගුණ කිසිවෙක් නො දකිති. එහෙත්... නොකළ වරදකට මුදියන්සේට නීතියෙන් දඬුවම් විඳීමට සිදුවන අවස්ථාවේදී... ඇය තම ළෙහි තුළ සඟවා ගෙන තිබූ දයාව, කරුණාව, මෛත්‍රිය සක්‍රීයත්වයට පත් කර මුදියන්සේ නීතියේ රැහැනින් මුදවා ගැනීමට ක්‍රියා කරයි.

කිසියම් විදියකින් ඇගේ චරිතයට සමාන බවක් දක්වන පැටී මහත්තයා ගේ බිරිඳ ඩල්සි ද, සමාජ අවශ්‍යතාවක් පිරිමසා වඳ බැවින් මිදීම සඳහා පැටී මහත්තයා සමඟ අනියම් සබඳතාවක් පවත්වාගෙන ගිය වෙඩික්කාරයාගේ බිරිඳ ද ගැමි ජන සමාජයේ සක්කරවට්ටම් ගැහැනුන් ය.

සොබනී නමැති ගැහැනිය අවලම් එකියක් ද නැද්ද? යන්න මෙන් ම ඇය එම තත්ත්වයට පත්වූයේ... කවුරුන් නිසා ද...? යන්න තීරණය කළ යුත්තේ... සක්කර වට්ටම කියවන සහෘදයන් විසිනි. ඔබේ අදහස මගේ ගමනට පියගැට පෙළකි.