රැජින ස්වර්ණ පුස්තක සම්මාන 2017

රැජින වූ කලී අප කුඩා කල සිට අධ්‍යනය කරන්නා වූ ඉතිහාසයෙන් පරිබාහිරව සිතන්නට මගක් විවර කරන්නට සමත් මඩවලයන්ගේ එක් සොඳුරු සාහිත්‍ය නිර්මාණයකි.
පිරිමි මූලික ජන සමාජය තුළ ගැහැනියකගේ පාලනය අසාර්ථක වන්නට හේතුවූයේ ගැහැනිය නොව පිරිමියාගේම ආකල්පම වූ බව මඩවලයන් තම නිර්මාණ භාවිතය තුළින් පෙන්වා දෙනු ලබයි.
අන්තප්පුර අඟනුන් පිරිවරාගත් රජු වීරවරයා කරගත් සමාජයක අනුලාව කාමධේනුවක සේ අර්ථ දැක්වීම සාධාරන වේදැයි අප විසින් නැවත සිතා බැලීම අනිවාර්යයෙන්ම කළ යුතුය.
පිරිමියා විසින් නිර්මාණය කරනු ලැබූ ජාතක පොත තුළ කාන්තාව චපලය යන්න ඉස්මතු කරන්නට සමත් වූවා සේම මහාවංශය තුළ ද ගැහැනිය නොව පිරිමියා ඉස්මතු කරන්නට උත්සාහ කර ඇති බව මඩවලයන්ගේ රැජින අධ්‍යනය කිරීමෙන් මාහට හැඟී යයි.
කාන්තා නිදහස පිළිබඳ විවිධ මත පළවන වර්තමානය තුළ රැජින නව සංවාදයකට මුළ පුරන්නට කදිම තෝතැන්නක් වේ යැයි මා සිතමි