අඩුම තරමින්, දවල් කාලයටවත් තමාට ම කියා අලුත් නිදන කාමරයක් ලැබීම ගැන රමෝනා මහත් සතුටට පත් වී සිටියි. රෑ කාලයේදී, අවතාර වැනි,  ඇටකටු නැති ගෝරිල්ලන් දොර යටින් රිංගාගෙන එන විට නිර්භීත ව සිටීම පහසු වැඩක් නොවේ. ඊළඟට, පාසලට යන අතරමඟ දී රමෝනා ගේ සපත්තුව සොරාගෙන ගිය ලොකු, නපුරු බල්ලෙකුට ද ඈ මුහුණ දිය යුතු වෙයි. පළමුවැනි ශ්‍රෙණියේ සිටින වෙනත් ළමයෙකු නම් හොඳට ම බිය වනු ඇත. එහෙත් රකුසන්ට සහ බල්ලන්ට රමෝනා ව ලේසියෙන් බය කරන්නට හැකි වන්නේ නැත!