ගැඹුරු හිමතලාව

ඉංග්‍රීසි නෞකා දෙකක් උතුරු ආක්ටික් ගවේෂණයට එක්වේ. උත්තරධ්‍රැවයේ දී අධික හිම පතනය නිසා තවදුරටත් ඉදිරියට යා නොහැකි වූ නෞකා දෙක අතහැර පා ගමනින් ඉදිරියට යාමට එහි නාවිකයෝ සැරසෙති. එහිදී ලෙඩදුකින් පීඩාවට පත් තම සගයන් ආපසු රැගෙන ඒමත්, ආහාර පාන සොයා ගැනීමත් ඔවුන්ගේ අරමුණ වූවෝ ය. එහෙත් එහි සිටි එක් භටයෙකුගේ ඒකායන අරමුණ වූයේ ඉහත කී ගවේෂණයට වඩා තමා ආදරය කළ තරුණියගේ සෙනෙහස කොල්ල කෑ, තමන් අතර සිටින අනෙක් භටයා කවුදැ`යි සොයා නිසි දඬුවම් පැනවීම ය. නිසි දඬුවම් යනු අනෙකා, අනුකම්පා විරහිත අයුරින් මරා දැමීම ය. එහෙත් ඒ පලිගැනීම කොතරම් ආදරණීය වූවාදැයි කිව නොහැකි තරම් ය.