ගිනියම්

ඇස්

ජයශංඛ කරුණාරත්න

ඔහු අසලට ආසන්න වී සිටි රුව නිල ඇඳුමකින් සැරසී සිටින බව ඔහුට දක්නට ලැබිණි. ඔහුගේ පුදුමයට හේතුවන පරිදි එම නිල ඇඳුමේ කිසිදු ඉගිය ලකුණක් හෝ පැල්ලමක් දක්නට නොවීය. එය තද නිල් පැහැයෙන් යුක්ත වූවක් බව අවට පැතිර තිබූ ගිනිදැල්වල ආලෝකයෙන් දැකගත හැකිවිය. අද්භූතජනක රුව ගිනිදැල් අතරින් මෑත් වී ඔහුගේ ඉදිරියෙන් සෙමින් සෙමින් ඇවිද යනු එඩ්වින් බලා සිටියේ භීතියෙන් උමතු වී ගිය මනසින් යුක්තව ය. විනාශ වී ගිය ගුවන් යානයේ සුන්බුන් හා සිය ගණනක් වූ මළ සිරුරු අතරින් ඔහු ඇවිද ගියේ ය. තව දුරටත් මෙම භීෂණාත්මක දර්ශනය දෙස පියවි ඇසින් බලා සිටීමට තරම් ශක්තියක් නොමැති වූ එඩ්වින්ගේ පියවි සිහිය ගිලිහී ගොස් ඔහු සිහිවිසඥව බිම ඇද වැටුණේ ය. බිම ඇද වැටෙත්ම දෙනෙත් බොඳවී ගොස් මොළය හරහා විදුලි සැරයක් ගමන් කරන්නාක් මෙන් ඔහුට දැනී ගියේ ය. ඒ මොහොතේම බොඳවී යන දෙනෙත් අතරින් ඔහුට තවත් දසුනක් දිස්විය. එම නිල ඇඳුම ලා ගත් පුද්ගලයා ඔහු ඉදිරියේ සිටගෙන සුරත ඔහු දෙසට දිගුකරගෙන සිටින අන්දම ය.