දේශාටනය ලෝක ඉතිහාසය වෙනස් කිරීමටත් වෙනස් වීමටත් මඟ පෑදූ බව ඉතිහාසඥයන්ගේ පිළිගැනීමයි. මුල් සියවස් වල සාමකාමී අරමුණු සමඟ බැඳී පැවතුණ දේශාටනය, පහළොස්වන, දහසයවන සියවස් වන විට දේශපාලන ආර්ථික හා ආගමික අරමුණු සමඟ තදින් බද්ධවීමත් සමඟ එය අතිශය දරුණු ප්‍රචන්ඩකාරී ස්වරූපයකට පරිවර්තනය විය. අධික රන් (ධනය) පිපාසය මෙම තත්ත්වය තවත් තීව්‍ර කිරීමට හේතුවිය.

මෙම කෘතියේ දේශාටකයන්ගේ ජීවන තොරතුරු, සමකාලීන ඉතිහාසය මෙන්ම අතිශය විසිතුරු එමෙන්ම ඛේදනීය සිදුවීම් ද විවේචනාත්මකව විමසා ඇත. දේශාටනයේ වීරවරයන් සේ හුවා දැක්වීම නොව “එය මෙසේ සිදුවිය” යන්න අනාගතයට සටහන් කර තැබීම කර්තෘගේ අරමුණ විය.