ජාත්‍යන්තර සංවිධාන විශේෂයෙන් ලෝකයේ ආර්ථික, සමාජයීය, අධ්‍යාපනික සහ සංස්කෘතික අංශ කෙරෙහි දැඩි බලපෑමක් කිරීමට සමත් වී ඇත. ජාත්‍යන්තර දැනුම සඳහා පාසල් දරු දැරියන්ට, විවිධ විභාගාපේක්‍ෂකයන් මෙන්ම ඒ පිළිබඳ දැනුම සොයන්නන්ටත්, උසස් අධ්‍යාපනය ලබන විද්‍යාර්ථීන්ටත් එකසේ අවශ්‍ය දැනුම ලබා දීමේ අරමුණ ඇතිව ලියන ලද කෘති හතරකින් සමන්විත ලෝක සංවිධාන ග්‍රන්ථ මාලාවේ ලෝක සංවිධාන 1 කෘතියේ 12 වන සංශෝධිත මුද්‍රණය ඒ සඳහා අත්වැලක් වනවා නිසැකය. ජාත්‍යන්තර සංවිධානයන්හි ව්‍යුහයත්, ක්‍රියාකාරිත්වය මෙන්ම එම සංවිධාන විසින් කරන ලද කාර්යභාරයන් ද මෙම කෘතියෙන් ගවේෂණාත්මකව විමසා ඇත.