"මං නැති දා" නම් වූ මේ නවකතාව මගින් ලීල් ගුණසේකර මහතා දිසාපතිවරයකු වශයෙන් නුවර කලාවියේ රාජකාරී කළ යුගයේ එහි අහිංසක ගැමි ජනතාවගේ දෛනික ජීවිතය හා ජීවන ප්රශ්න පිළිබඳ කදිම විවරණයක් ගෙන දෙයි. ඔහුගේ "පෙත්සම" හා "අත්සන" නම් නවකතාවල චරිත මුහුකුරා ගොස් කරන ලද විග්රහයක් මෙම "මං නැතිදා" නව කතාවෙන් පිළිබිඹු වෙයි. පියෙකු තමා නැති කල දරුවන්ට යන කල දසාව ගැන සිතන සැටි මෙම නවකතාවෙන් අනාවරණය වේ. වැඩිහිටියන් පිළිබඳ උනන්දුවක් දක්වන මෙකලට "මං නැතිදා" විශේෂයෙන් කාලෝචිත ය. අපට ආවේණික වූ ගුණ ධර්ම නූතන සමාජ වෙනස්කම් තුළ දියවී යන විට ඒවා ආරක්ෂා කර ගැනීමට දරන යහපත් ප්රයත්න "මං නැතිදා" හි චමත්කාර ලෙස කර්ණාට ආවේණික පරිදි නුවරකලාවිය බසින් ඉදිරිපත් කර ඇත.
ලීල් ගුණසේකර මහතා අපේ දක්ෂ පරිපාලකයෙකු සිවිල් සේවකයෙකු හා සාහිත්ය නිර්මාණකරුවෙකි. "මං නැතිදා" නව මුද්රණය අපේ ජන ජීවිතය ගැන උනන්දුවක් දක්වන පාඨකයින්ට ආස්වාදයක් ගෙනදෙනු නො අනුමානයි.
මහාචාර්ය බී. ඒ. ටෙනිසන් පෙරේරා
Details
තවම කිසිවෙකු මෙම පොත ගැන ලියා නැත. ඔබ පළමුවැන්නා වන්න.
