මැනරිං මැඳුරේ අබිරහස

ඒ අවස්ථාවේ දී මම, සැඟැව හුන් තිරපට පිරිපසින් ඉවත් වු අනෙක් කාමරය තුළට පැන ගතිමි. සිදු වූ දැයින් සන්ත්‍රාසයට පත් ව මම යම් වෙවුලුම් ගත් සිරුරින් යුතුව සිටියෙමි. මහලු මිනිසා වාඩි ගෙන හුන් අසුනෙහි පහළට රූරා ගොස් සිටියේ ය. ඔහු ගේ පිටෙහි විශාල මොල්ලියක් මතු වූ ගියා සේ පෙනෙන තුරු ඩ්‍රෙිසිංගවොම ඉහළට ඇඳී ගුළි වී තිබිණ. රන්මුවා උපැස් යුගලය තව දුරටත නාසය මත රැඳි තිබිය දී ම ඔහු ගේ හිස පසෙකට ඇල වී එල්බෙමින් තිබුණු අතර මැරුණු මාළුවකුගේ මෙන් ඔහු ගේ කුඩා මුඛය විවර ව තිබිණ. ලේ ගලා යමින් තිබුණේ කවර නැනෙකින් ද යන්න මට දැක ගත නොහැකි විය. එහෙත්, තව දුරටත් ගෙවීම මතව ලේ වැගි රෙන හඬ මට ඇසිණ. ඉටි පහනෙහි ආලෝකය මුළුමනින් ම ඇයගේ මුහුණු මත පතිත වද්දී ඈ ඔහු පිටිපසින් සිට ගෙන හුන්නා ය. දෙ තොල එකට තද වී ඇය ගේ දෑස දිලිසෙමින් පැවැති අතර, ඇය ගේ දෙ කොපුල මතට යම් තරමක පැහැයක් පැමිණ තිබිණි. කෙදිනෙක හෝ මා දැක සිටි මැදිවියේ පසු වූ සුන්දරතර ගැහැනිය ඇය බවට පත් කිරීමට ඒ අවස්ථාවට ඇවැසි වූවා සේ විය.