නැන්බරි

Special Price රු. 600.00 Regular Price රු. 750.00
In stock
SKU
nanbary-jackie-french-charunya-dehigama-ashirwada
නැන්බරි කියන්නේ ඕස්ටේ්‍රලියාවේ ඉතිහාසය, නිව් සවුත්වේල්හි ඉතිහාය, සිඞ්නි වරායේ සහ නගරයේ ඉතිහාසය කිව්වොත් නිවැරදයි. මුළු ඉතිහාසය ම දින වකවානුත් සමගම නැන්බරි සමග ගලා යන ආකාරය විස්මයජනකයි. නැන්බරි කියන්නේ ඕස්ටේ්‍රලියාවේ ස්වදේශීය ජන කොට්ටාශයට අයත් කැඩිගල් ගෝත්‍රික දරුවෙක්. වසූරිය නිසා ගෝත්‍රයේ බොහෝ දෙනා මිය යද්දී නැන්බරි ජීවත් වීමට වාසනාව උදා කර ගත්තා. ඒ වාගේ ම කාරුණික සුදු වෛද්‍යවරයකුගේ ආදරණීය දරුවා වෙන්නත් වාසනාවන්ත වුණා. මහා බි්‍රතාන්‍යයේ සිට ගෙන එන ලද සිරකරුවන්ගේ ජනපදයක්ව පැවති සිඞ්නි එහි ආරම්භයේ පටන් බි්‍රතාන්‍ය ජාතිකයන්ට මෙන් ම ස්වදේශිකයන්ට අත් වූ ඉරණම ඉතාමත් ලස්සන කතාවක මුහුණුවරින් ඔබ වෙත එන්නේ මුළු මහත් ඕස්ටේ්‍රලියාවේ ම ඉතිහාසය, ස්වදේශිකයන්, සත්ව හා ශාක ප්‍රජාව ගැන ද කුතුහලය අවුස්සමින්. අන්තර්ජාලය පරිහරනය කරන්නකු මෙහි දැක්වෙන සංඥානාම පසුපස හඹායන්නට පොළඹවන්නේ නිරායාසයෙන්. එහි සඳහන්වන වෛද්‍ය වයිට් විසින් පොතක් වශයෙන් රැස්කරගන්නා ලද සත්ව සහ ශාක දත්ත සහ අනුරූප බි්‍රතාන්‍ය කෞතුකාගාරවල දැනටත් සුරක්‍ෂිතව ඇත. මෙය නවකතාවක් මෙන් රසවත්ව ගොතා ඇතිවා පමණක් නොව සත්‍ය ඉතිහාසය සිද්ධීන් ද එම රසයට කිසිම අයුරකින් බාධාවක් නොවන අයුරින් ඇතුළත් කර ඇත්තේ බොහෝ කාලයක් පුරාවට කරන ලද සමීක්‍ෂණයන්ට අනතුරුවයි. රැශල් වැනි කාන්තා චරිත අපහට දනවන්නේ කුතුහලය මෙන් ම ශෝකයකි. ඉංග්‍රීසීන්ගේ සිතුම් පැතුම් කවරාකාර ද යන්න මෙයින් පැහැදිලිව විද්‍යමාන වේ. තමන්ගේ හැඟීම් පාලනය කර ගනිමින් වසර ගණනාවක් පුරා මෙවැනි ජනපදවල සේවය කරන රජයේ සේවකයන් ද, ලද අවස්ථාවෙන් උපරිම ඵල නෙලා ගන්නා ආත්මාර්ථකාමීන් ද, සුරාවේ හා සූදුවේ ද දුරාචාරයේ ද යෙදෙමින් සිරකරුවන්ට අමානුෂික ලෙස සලකන සමුදුර තරණයේ දී තමන්ට හිමි ආහාර සලාකය පවා අහිමිව සතුන් මෙන් දුක් විඳිමින් මිය ගිය අසරණයන්ගේ ද මාස ගණනාවක් පුරා සමහරවිට වසරක් හෝ ඊට වැඩි කාලයක් තිස්සේ අතවරවලට ලක්වෙමින් නැවේ ම දරුවන් බිහිකරමින් ඕස්ටේ්‍රලියාව දක්වා පැමිණීමට සිදුවූ සිරකාරින්ට නැවෙන් බසින්නට සිදුවන්නේ පියා කාගේ දැයි නොදන්නා දරුවන් ද කරපින්නාගෙන වීම ශෝකයට කරුණකි. නිර්භීත රණ ශූරයින් ද තමන්ගේ අභිමානයට හානි කර නොගෙනම මිය යන වීරයන්ගෙන් ද ගහන මෙම කතාව යොවුනන් හට මෙන් ම වැඩිහිටි සැමට ද ඉතාමත් ආශාවෙන් කියවිය හැකි කෘතියක් වනු ඇත. එසේම මෙය හුදෙක් කතාවක් පමණක් නොව ඉතිහාසය නිරායාසයෙන් ඉගෙනීමට ඇති කදිම මාර්ගයක් ද වනු ඇත. මෙම පොත කියවාගෙන යද්දී මා විසින් පොතට පරිභාහිරව උකහා ගත් දැනුම අතිමහත්ය. නොදුටු ලොවක් දැකීමට දෙනෙතක් නැන්බරි හරහා ඔබට විවරව ඇත.
More Information
ISBN 978955
දැනට මුද්‍රණයේ පවතී ද? මුද්‍රණයේ පවති - In Print
Lables නවකතා, පරිවර්තන, New Arrival
Author charunya dehigama (3), Jackie French (1)
Publisher ආශිර්වාද ප්‍රකාශකයෝ - Ashirwada Prakashana (257)
Write Your Own Review
You're reviewing:නැන්බරි
Copyright © 2016 Sigma Digital (Pvt) Ltd. All rights reserved.