පටලැවිල්ලක්

ඊඩන් ෆොක්ස් සහ හැරිසන් වුල්ෆ්, හෝප්-ෆෝල්ස් ගම්මානයේ පදිංචියට පැමිණ සති කීපයක් පමණි. එදින රාත්‍රී යාමයේ පැවැත්වෙන සිය කලා ප්‍රදර්ශනයේදී ගම්වැසියන් හඳුනාගැනීමේ බලාපොරොත්තුවෙන් යුතුව නිවසේ යතුර පමණක් අතට ගත් ඊඩන්, සුපුරුදු පරිදි කෝන්වෝල් වෙරළ තීරය දිගේ දුවන්නට ගියාය.

එහෙත්, යළි නිවෙසට පැමිණෙන ඊඩන්ගේ අතේ ඇති යතුර, නිවසේ දොරට නොගැළපිනි!

ඇය දොරට පහර දුන් විට දොර විවර වෙයි. එහෙත් ඇය පිළිගන්නට පිටතට පැමිණියේ ඊඩන්ගේ සැමියා නොවේ! ඒ වෙනත් කාන්තාවකි. ඊඩන්ගේ කළු වෙල්වට් ගවුමෙන් සැරසුණු, ඇගේම විලවුන් සුවඳ වහනය වන, වෙනත් කාන්තාවකි. ඇඟිලිවල දකින්නට ලැබුණේත් ඇගේම මුදු දෙකකි.

"ඔයා කවුද?"
"මගේ නම ඊඩන් ෆොක්ස්..."
"මමයි ඊඩන් ෆොක්ස්. ඔයා මොනවද මේ කියන්නේ?"

තත්වය වඩාත්ම දරුණු වන්නේ, ඊඩන්ගේ ප්‍රාණසම සැමියාද ඇය නොහඳුනන බව පැවසූ විටය! තමා සතු සියල්ල, තමා ආදරය කළ මිනිසා පමණක් නොව, සිය අනන්‍යතාවය පවා එක රැයකින් අහිමි වූ ගැහැනියක්, තමා මුළු ලෝකයෙන්ම අතුරුදන් කර ඇති බව වැටහෙද්දී කුමක් කරනු ඇත්ද?

ඔබ ජීවත්වන ලෝකයෙන්, ඔබ සම්පූර්ණයෙන්ම අතුගා දමා ඇති බව වැටහුණහොත් ඔබ කරන්නේ කුමක්ද?