විවාහක යුවළක් වූ ඇඩම් සහ ඇමීලියා, නිවාඩුවක් ගතකරන්නට තෝරාගන්නේ ස්කොට්ලන්ත කඳුකරයයි. ඔවුන්ගේ ගමනාන්තය වූයේ හුදෙකලා නිම්නයක පිහිටි, පාළුවට ගිය, දූවිල්ලෙන් වැසුණු, කලකට ඉහතදී දෙව්මැඳුරක්ව තිබුණු නිවෙසකි.

එකී නිවෙස ඔවුන්ගේ සැලසුමට අපූරුවට ගැළපෙන නමුත්, මෙම ප්‍රේමණීය සංචාරය අනපේක්ෂිතව වෙළාගන්නා ගුප්ත අන්ධකාරයක් නිසා ඇඩම්ටත්, ඇමීලියාටත්, රහස්වලින් පිරුණු මේ පාළු නිවසේදී අද්භූත අත්දැකීම් රැසකට මුහුණදීමට සිදුවෙයි.

එම අද්භූත සිදුවීම් නිසා ඔවුහු එකිනෙකා විශ්වාස කරන්නට පවා මැළි වෙති. මේ දෙදෙනාගෙන් එක් අයෙක් පවසන්නේ සත්‍යය නොවේ. යුවළක් අතරේ ඇති අහිංසක රහස් මෙන් නොව, ඇඩම් සහ ඇමීලියා අතර ඇත්තේ අතිශය බිහිසුණු රහසකි.

මෙකී නිවසේ රහසිගතව සරන අද්භූත ගැහැනියක සමග ඇඩම් මේ ගතකරන්නට යන්නේ සිය ජීවිතයේ කිසිදු දිනෙක අමතක නොවන අන්දමේ විවාහ සංවත්සරයකි.