කෙටි කතාවක් යනු කවරාකාරයෙන් හෝ ජීවිතය පිළිබඳ කෙරෙන දීර්ඝ ගවේෂණයක කෙටි කියවීමකි. කෙටි වුවද එය අර්ථ පූර්ණ බව සිතෙහි ඇති කරනු ලබන කම්පනය හෝ සහකම්පනය, ජීවන දෘෂ්ඨියේ උපේක්‍ෂා සහගත බව මෙන්ම රසාස්වාදනයෙහි පරිණත බවද කෙටි නැත.

චන්ද්‍රිකා අමරසිංහ ලේඛිකාව මේ සියලු ගුණයන් කෙරෙහි මනා වැටහීමක් ඇතිව වියපත් දැනුමෙන් ස්වකීය නිර්මාණ කාර්යය තුළ පන්හිඳ හැසිරවීම නිසා ජීවිතය හා අවියෝජනීයව බැඳී පවත්නා දුක්ඛ දෝමනස්සයන්, සුඛ සෝමනස්සයන් පිළිබඳව විටෙක හිත සසල කරවන විටෙක හිත තුටුපහටු කරවන නේක වර්ණ චිත්ත රූප මැවීමෙහිලා බුහුටිව සිටින්නීය.

චන්ද්‍රිකා අමරසිංහ ගේ ලේඛන ප්‍රතිභාවට තව බොහෝදුර ගමනක් යෑමේ ශක්තිය, දැනුම හා වාසනාව ලැබේවායි සතුටු සිතින් ප්‍රාර්ථනා කරමි.

සෝමා ජයකොඩි