පාළු දුපතක අතරමං වූව ද බලාපොරොත්තු සුන් කැර නොගනිමින් තම දරු පවුල රැක ගෙන, ඔවුන්ට සොබාදහමේ අභියෝග වලට මුහුණ දෙන අයුරු කියා දුන් මව් පිය යුවලක් පිළිබඳ මේ ලෝ පතළ ''The Swiss Family Robinson''නම් කථාන්තරය කවර දුෂ්කරතා මැද වුවද සහයෝගී ව ජීවිතය ගොඩනගා ගැනීමේ අරුත අවබෝධ කරවන නිර්මාණයකි.දරුවන් සොබාදහමේ වික්‍රමාන්විත අත්දැකීම් මාර්ගයෙන් ලබන දැනුම අවධාරණය කළ රූසෝ ගේ මතවාදය අනුව යමින් කතුවරයා මෙහි මුල් කෘතිය රචනා කළ අතර එය ළමා කථාවක් ලෙස ජනකාන්ත භාවයට පත් විය.මෙම කෘතිය ආශ්‍රයෙන් බිහි වු ජනප්‍රිය චිත්‍රපට ගණනාවක් ද ඇති අතර රොබින්සන් කෲසෝ කෘතිය හා සමානව ළමා ලෝකයේ ''The Swiss Family Robinson'' කෘතිය ද ජනාදරයට පත් විය.