කවුද දන්නවද මේ සෙසේ. සෙසේ කියන්නේ මේ ලෝකෙ ඉන්න හොඳම සහ ලස්සනම බළලා. උගේ මූණ, වල්ගෙ, අතපය එහෙම වෙන බළල්ලුන්ගේ වගේ තමයි. ඒ උණාට උගේ බඩ දෙපැත්තේ තියෙන කළු පාට වයිරම! මේ ලෝකෙම ඉන්න බළලුන්ගෙන් ඒ වගේ අපූරු වයිරමක් තියෙන්නෙ අපේ සෙසේට විතරයි. ඒ විතරක් නෙමෙයි. මේ වගේ ගතිගුණ තියෙන බළලෙකුට මුළු ලෝකෙම ඉන්නේ ඌ විතරයි.

ඒ වයිරම නං ඔයගොල්ලන්ට මේ පොතේ කවරයෙනුත් බලාගන්න පුළුවනි. නමුත් කෙනෙකුගෙ ගතිගුණ ගැන පිටින් බලලා දැනගන්න බැහැනෙ. ඒ නිසා අපේ සෙසේ ගැන හරියට දැනගන්න නං ඔයගොල්ලන්ට මේ පොත ටිකක් පෙරළලා බලන්නම වෙනවා.

පූසෝ වගේම පොතුත් වයසට යනවා. දැන් 2015 දී සෙසේ පොතට වයස අවුරුදු 10 යි. පොත මෙහෙම අලුතින් මුද්‍රණය කළේ ඒ හින්දා.