"සොරි බං සොරි කෙල්ලගේ නොවෙයි වරද මගේ". ආලෝකගේ යාදින්න ඇහෙන්න පටන් ගත්තේ මම කතා කරන්නත් කලින්. "කවදා ඉඳන් ද උඹ එක එකාගේ වැරදි භාර ගන්න පටන් ගත්තේ. ඉරිදා පත්තරේ ගනින්.වරදට සමාව දෙන උන් හැට හුටාමාරකකට ඉල්ලුම තියනවා." "විහිලු නොවෙයි බං ඒ කෙල්ල දන්නවද උඹ අගෝස්තු පහලව ෆ්‍රී කරගන්නවා ඒ ඇයි කියලා ... දන්නේ නැහැනේ". "දැන් එතකොට මම ඒකද කියන්න ඕනේ ?......මගේ ශෙඩූල් එක හොයාගන්න එක නොවෙයි ද එයාගේ රස්සාව ... මේ ආලෝක, උඹ කුලියට සීනි කිරන්නේ නැතුව ෆෝන් එක තියලා නිදා ගනින්.මම ඒක එයත් එක්ක බලා ගන්නම්.ආලෝක තවත් මොනවද මොනවද කියනකොට මම කෝල් එක කට් කරලා දැම්මා.