පන්සල් බිතු සිතුවම්වල ඉන්නා කිඳුරා නම් අර්ධ මනුෂ්‍ය හා අර්ධ සත්ව සිරුරක් ඇති නිරූඨ සත්වයෙකි. නළාකාරයෙකි. දොළෙන් එගොඩ කිඳුරා ගෙව්වේද අර්ධ මනුෂ්‍ය හා අර්ධ සත්ව ජීවිතයකට ආසන්න දිනචරියාවක් යැයි කිවහොත් නිවැරදිය එහෙත් ඔහුට නළාවක් තිබුණේ නම් නැත. ....ඒ තෙලඹු ගහ කපන්නැතුව සෑය හදන්න ඉඩ ගන්න බැරි උනාලු. රජ්ජුරුවෝ ඒ දේවතාවිගෙන් ඉල්ලවලු තෙලඹු ගහෙන් බැහැල යන්න කියලා. දේවතාවිට බෑ කියන්න බෑ. ඉතිං එයා ඉල්ලුවලු හදන්න යන මහ සෑයට එයාගෙ නම දාන්න කියලා.... ...ප්‍රබන්ධය වන්නේ ඒ සර්ගයද නැතහොත් සිය ජීවිතයේ ඉන් පසුව ලියැවුණු සර්ග ද කියා හරියටම නිශ්චය කරගන්නට ඔහුට මඳ වේලාවක් උවමනා විය. අවසානයේ ඔහු තීරණය ගත්තේය. ප්‍රබන්ධය "ඒ" සර්ගයයි...