ශ්‍රී ලංකාවේ ටැම්පිට විහාර

කුසුම්සිරි විජයවර්ධන

ටැම් හෙවත් කුළුණු මත ඉදිකරන ලද ටැම්පිට විහාර මහනුවර සම්ප්‍රදායට අයත් දේශීය ගෘහ නිර්මාණ ශිල්පය, මූර්ති සහ බිතුසිතුවම්, දැව කැටයම් සුරක්ෂිතව පවතින බෞද්ධ ස්මාරක වේ. එමෙන් ම ඒවා තවමත් බැතිමතුන්ගේ වන්දනාවට ලක්වන සජීවී සංස්කෘතික උරුමයකි.

“ශ්‍රී ලංකාවේ ටැම්පිට විහාර” මේ පිළිබඳව දීර්ඝ කාලයක් තිස්සේ කරන ලද ගවේෂණයක ප්‍රතිඵලයකි. ඒ පිළිබඳව පළමු පුළුල් අධ්‍යයනයක් වශයෙන් ද මෙම කෘතිය වැදගත් වේ. පුරාවිද්‍යාව සහ ඉතිහාසය හදාරන්නන්ට මෙන් ම අපේ බෞද්ධ සංස්කෘතික උරුමය පිළිබඳව ඇල්මක් ඇති කාටත් මින් ලබාගත හැකි දැනුම ඉමහත් ය.