සෙන්ට් මේරි මීඩ් ගම්මානය කළඹමින්, විශ්‍රාමික හමුදා කර්නල් බන්ට්‍රිගේ නිවසේ පුස්තකාලයේ තිබී හමුවන්නේ නන්නාඳුනන තරුණියකගේ මළ සිරුරකි.

ඒ පිටුපස ඇති අබිරහස කුමක් ද?

වියපත් ජේන් මාපල් මෙනෙවිය මෙම පලහිලව්ව විසඳීමට ඉදිරිපත් වන්නේ සිය මිතුරියගේ ඉල්ලීමටයි.

ගල් කොරියක තිබී හමුවන තවත් මළ සිරුරක් සමඟම පොලිසිය සංකීර්ණ ගැටලුවකට මැදි වේ.

මෙම සූක්ෂම අපරාධයන් පසුපස සිටිනා මහ මොළකරුවන් හෙලි කරගැනීමට මාපල් මෙනෙවියට හැකි වේද?

“අම්මයි මාමයි කැමති නැහැ සීයා ජොසී ගැන වද වෙනවාට. මම හිතන්නේ...” පීටර් කියා සිටියේ රහසින් මෙනි. ‛...ඔවුන් සතුටුයි ඇය මැරුණු එකට..”

මේ වනවිට සුළඟ නැවතී තිබූ නමුත්, ජනෙල් තිරය මඳක් සෙලවී ගියේ ය. ඉන්පසු තිරරෙදි ඈත්වී ඒ මැදින් පෙනී සිටියේ මෙතෙක් වේලා සැඟවී සිටි තැනැත්තෙකුගේ ඡායාවකි !