හිරු බැස යද්දී පිපිණු හෙන්දිරික්කා මලක් නැවත හිරු නැගෙන්නට පෙර මැළවී යන්නා සේ කමලාගේ තුරුණු විය පමා වී පිපී කිසිවකු නොදැක පරවී ගියේය.

ගෝදම්බ රොටී මත මස් හොදි දමා අනමින් සිටි චුට්ටං මුදලාලි කමලාට විධානයක් දුන්නේය. පිඟාන මේසය මත අතහැර අත සෝදා ගත් ඔහු ඊළඟට කමලාගේ යෞවනය ගිල දැමුවේ තලු මරමිනි.

තෘප්තිමත් නින්දකින් පසු චුට්ටං මුදලාලි අවදිවන විට කමලා ඇඳ පාමුල වාඩිවී සිටියේ හිස්ම හිස් බැල්මකින් යුතුවය.