මාත් රාක්කෙක

පොතක්

කෙනෙක්

පිටකවරෙ රස විඳින

අයෙක් හැඳින්වීම

කියවන

තවකෙක් විවේචන මත පිහිටා

අතින්වත් නොඅල්ලා ඉන්න

කෙළවරක තියන

රාක්කෙක

අත මානෙ පොතක්......

මමත් ඔබත් රාක්කවල ඇති තෙත් වැනිය. සමහරු අල්ලා බලා තබා යයි. සමහරු පිට කවරයට ළොබ බදියි. තවත් සමහරුන් අනූන් බස් අසා නොඅල්ලා ම යයි. නමුත් පොත බරසාර ය, කතා බොහෝමය. ජිවිතයේ හිමිවන, අහිමිවන, ළඟට එන සියලු දෙනාම අප හදේ තබා යන කතාවකි. ඒ කතා කිව හැකි ආකාර ද දැකිය හැකි පැතිකඩයන්ද බොහෝමය. සමහර කතා වලට තිත තැබිය යූතුය. සමහර කතාවලට කොමාව දමා ඇදගෙන යා යුතුය. ආදරය, ප්‍රේමය, තරහව, බලය, අත්හැරීම, මූණ ගැසීම, වෙන්වීම, එකී නොකී හැමදේම කවි රස මවයි.