කසුන් කාරියවසම්ගේ ඇතුළාන්තය කියවිම සෑම කවියෙක් ම කවි ලියන්නේ නැත. කසුන්ගේ කවි මෙකල කවි ලියන බොහෝ දෙනාගේ කවි මෙන් ම උසස් ය. අර්ථවත් ය. සේකර සිරි ගුනසිංහ රත්න ශ්‍රී ලා පසුකරගෙන මෙි පරම්පරාව තමන් විසින් ම පසක් කරමින් ජීවිත සමාජ ඛේදවාචකය විවරණය කරමින් සිටී. ඔවුන්ගේ අරමුණ සේකර මෙන් ම බෞද්ධ දර්ශනය ම නොවේ. පරාක්‍රම මෙන් සමාජවාදයද නොවේ. ඒ වූ කලී දේශපාලන චින්තනයක් දර්ශනයක් නොමැති දේහයක සමාජ සතතාව සොයා යන සංවේදීන්ගේ ජීවිත සමාජ දැක්මයි. මුදලට කලාව නොවිකුණන මේ කවියෝ ජන කවියේ මෙන් ම කවිය නොමිලේ ම විකුණති. ඔවුන් කවි ලියන්නේ ගෙවල් සදන්නට ඉඩම ගන්නට නොවේ. තම සිතැඟි ප්‍රකාශ කරන්නට පමණකි. කසුන් සුබ ගමන් පේරාදෙණිය විශ්ව විද්‍යාලයේ හිටපු ‍කථිතාචාර්ය අත්තනායක එම්. හේරත්