කමලා දාස්ගේ නම කෙටිය. ඇගේ කෙටිකතා වැඩිහරියක් බොහෝ කෙටිය. ඈ පබැඳු කවිද වැඩිහරියක් කෙටිය. ඇගේ කෙටිකතා හා කවි කෙටි වුවත් රසවත්ය. අර්ථවත්ය. මුක්තක නම කාව්‍ය විශේෂය බඳුය. කමලා දාස්ගේ බොහෝ කෙටි වූ කෙටිකතාවකින් ඇය අප රැගෙන යන ලෝකය මහා නවකතාවකින් අප පිවිසෙන ලෝකයට සමානය. ඇය කියන දේ කෙලින්ම කියයි. එහෙත් රසවත්ව කියන්නීය. ඇගේ නවකතා, කෙටිකතා, කවි, තීරු ලිපි, සැමරුම් සටහන් ආදී සියලුම නිර්මාණ මෙම ගුණයෙන් අනූනය.