‍කුළුඳුලේ හිත බැඳි ආදරේ
පෙර නොවූ අරුමෙකි ජීවිතේ
නුඹ සොයා පියඹනා සිත මගේ
නවතනු බැහැ ඉතින් සොඳුරියේ

නන් වණින් පියා සලා සමනලුන් තොසේ
බැලූ බැලූ අතේ පිපී කුසුම් සිනා සැලේ
කුරුළු තුඩග නිබද මියුරු ගී කතා ඇසේ
දුටිද නන් සොබා වැනුම් මෙ නුඹ නමින් මැවේ

නෙත් අගින් බලා මිහිරි සිනහ පා මුවේ
තෙලිතුඩින් මවා සිහින පණ පොවන රඟේ
රන් රුවින් දිලෙන තරු මට කුමටදෝ ළඳේ
ගගන එකලු කළ සඳමිණ නුඹ සදා මගේ

- ගගන-