අළු ඇස්

එක් දෙයක් හොදින්ම තහවුරුය. එනම් ඇගේ ඇස් අළු පාටින් පේන්නෙ මටම පමණක් වගය. එය විස්වාස කළ හැකිද? මා මේ සිහිනයක් දකිනවා විය හැකිද? මෙය වෙනත් පුද්ගලයෙකුට පැවසිය හැකිද? එසේ පැවසුවොත් ලැබෙන ප්‍රතිචාරය කුමක් විය හැකිද?

වර්ණ හදුනා ගැනීම පිළිබඳව ගැටලුවක් මට නොමැති බව හොදින්ම විස්වාසය. මෙය සාමාන්‍ය ලෝකයේ සිදුවිය හැකියැයි විස්වාස කිරීමට අපහසු බව සැබෑය. නමුත් මා මේ වන විට එවැනි අසාමාන්‍ය සිදුවීමකට මුහුණ දෙමින් සිටින බව දන්නා එකම පුද්ගලයා මා පමණි...

ප්‍රබන්ධ චිත්‍රපටයක් තුළ අතරමංව සිටින්නාක් බඳු හැඟීමක් මට දැනෙයි. ඇය කුමක් හෝ දෙයක් සඟවාගෙන ජීවත් වන ගුප්ත චරිතයක් වග මෙහි පැමිණි දිනම මා වටහා ගතිමි.

අශ්වින්ගේ අභිරහස් මරණය.. මටම පමණක් පෙනෙන අළු පාට ඇස්.. පාරම්පරික වෙද හෙදකම් ගුරුකම් වලට ප්‍රසිද්ධ පවුලක්.. යශෝරාගේ ගුප්ත හැසිරීම... එකිනෙකට සම්භන්ධ හෝඩුවාවල් විය හැකිද? "අළු යට හැංගුනු ගින්දරක් තියෙන්නම ඕනිනේ.. ඔය අළුපාට ඇස් අස්සේ හැංඟුන ගින්දර එලියට අරගෙනමයි මං මෙහෙන් යන්නෙ.....” මා ජනේලයෙන් පිටත බලමින් මටම පොරොන්දු වුණෙමි.