වජිර මෙයින් වසර හතළිස් හතරකට පෙර මා ළබැඳි මිතුරෙකුව සිටියදී "කිරුළ හිමි තොපටමය" කවි පොත ලියයි. ඒ කොළඹ සරසවියෙහිදී ය. සරසවියෙන් බැහැරව රාජ්‍ය පරිපාලන ක්ෂේත්‍රයේ මුල් පුටු පෙළක උණුහුම ලද ඔහු දැන් ඒ කටුක දිවි සැරියෙන් ඉසිඹු ලබා තවත් කවි පොතක් ලියයි. "අමාවක නිමා විය" ඔහුගේ කවිත්වයේ පැසුණු සරු අස්වැන්නකියි සිතමි.

බෞද්ධ සාහිත්‍යයේ "ථෙරී ගාථා" ආශ්‍රිතව ස්ත්‍රී භාවයේ සනාතනික බේදවාචකය කවියට නගන්නට ඔහු දරා ඇති ප්‍රයත්නය අපූරුය. ඔහු දුටු "සතර පෙරනිමිති'' මා තවම දැක නැතත් "අමාවක නිමා විය" තුළින් පසළොස්වක දකින්නට මමද පින් කොට ඇත්තෙමි.

විදුර අබේනායක