ජූනි 29 වෙනි දින මහනුවර පොත් ප්‍රදර්ශනයට සමගාමීව නිකුත් වේ. නිකුත් වී තොග ලැබුණ පසුව බෙදාහැරීම් ආරම්භ කරන බව කරුණාවෙන් සලකන්න.

අතිශයින් ඇබ්බැහිවෙන සුළුයි

YouTube Influencer කෙනෙක් පොතක් ලිව්වම කොහොම වෙයිද? උකෙත්සු! ජපන් ලේඛකයෙක්. උකෙත්සු කවුද කියලා දන්නෙ එයාගෙ ළඟම කවයේ කීප දෙනෙක් විතරයි. අනිත් ලෝකෙට උකෙත්සු කියන්නෙ අබිරහසක්. එයා හැම තැනකටම එන්නෙ මාස්ක් එකක් දාගෙන. වොයිස් චේන්ජර් එකකින් පොඩි ගෑනු ළමයෙක්ගෙ හඬට තමන්ගෙ හඬ පවා වෙනස් කරගෙන. උකෙත්සුගෙ පැවැත්ම පවා අබිරහසක්. ඒ වගේම එයා ලියන පොත්; සැකයක් නැතිවම ඒවත් අබිරහස් පොත් තමයි. උකෙත්සුගෙ මේ Strange Houses පොත ජපානෙ ඇතුළෙ පිටපත් මිලියන තුනකට වඩා අලෙවි වෙනවා. එයාගෙ පොත්වල අනිවාර්ය අංගයක් තමයි රූප සටහන්. 'ප්‍රහේලිකා පෙට්ටි’ කියල තමයි උකෙත්සුගෙ පොත් හඳුන්වන්නෙ.

දැන් ඔබ මේ කියවන්න යන්නෙ ජීවිතේම අබිරහසක් වුණ මනුස්සයෙක් ලියපු අබිරහස් පොතක්. අපි දන්න විදියට කිව්වොත් Murder Mystery එකක්. හැබැයි ඔයා ඉන්නෙ ආරක්ෂිත තැනක කියල සහතික කරගන්නකම්, මේ පොත කියවන්න එපා!